9 May – Qələbə günü

09.05.2019

Sovet xalqının və onun rəşadətli Qızıl Ordusunun alman faşizmi üzərində qələbəsinin 74 ili tamam oldu. Bu qələbə Lenin partiyasının xalqlar arasında yaratdığı qardaşlıq və dostluq ənənələri sayəsində qazanılmışdır. Vətən davası cəbhələrində ruslar, ukraynalılar, kazaklar, gürcülər, latışlar, estonlar, beloruslar və s. millətlər qardaş kimi çiyin-çiyinə vuruşmuşlar. Onlar bəşəriyyəti qaniçən yırtıcıdan – vəhşi hitlerçilərdən qorudular.

Azərbaycan xalqının da oğul və qızları Böyük Vətən müharibəsində həyatlarını əsirgəməyərək ata-babaların qurduğu sosialist dövlətin qorumaq üçün qəhrəmanlıqlar göstərmişlər.

Azərbaycan KP MİK Rəyasət heyəti Qələbənin 74-cü ili münasibəti ilə partiya üzvlərini və təəsübkeşlərini təbrik edir.

Vətən uğrunda müharibədə qalib gələn Sovet ordusuna və xalqına eşq olsun!

Bu münasibətlə Azərbaycan KP MİK Rəyasət heyəti 9 May 2019-cu il tarixdə səhər saat 11:00-da (Yasamal rayonu ərazisində yerləşən) Sovet İttifaqı Qəhrəmanı Mehdi Hüseynzadənin heykəli önündə tədbir keçirmişdir.

Azərbaycan KP MİK Rəyasət heyəti